இந்த வருடமும் (2014) கொழும்பில் நடைபெற்ற சர்வதேச புத்தகக் கண்காட்சிக்கு சென்றிருந்தேன். ஆர்வமுள்ள துறைகளிலுள்ள எல்லாப் புத்தகங்களை வாங்கி விட வேண்டும் என்ற ஆசைதான். ஆனாலும், யதார்த்ததம் அப்படியல்லவே.
நான் வாங்கிய புத்தகங்களில் என்னைக் கவர்ந்த புத்தகம் என்று “ஜின்னா: சர்ச்சைகளும் சாதனைகளும் சமவிகிதத்தில் கலந்த ஒரு சரித்திர புருஷனின் விறுவிறுப்பா வாழ்க்கை” என்ற புத்தகத்தைச் சொல்லலாம்
இந்தப் புத்தகத்தை தரண என்பவர் எழுதி, இந்தியாவின் கிழக்குப் பதிப்பகம் வெளியிட்டுள்ளது. கிழக்குப் பதிப்பகத்தின் புத்தகங்களில் அவ்வளவு நாட்டம் இல்லாதபோதும், ஜின்னாவைப் பற்றிய நூல் என்பதால் வாங்கிக் கொண்டேன்.
மொத்தமாக 151 பக்கங்களைக் கொண்ட இந்தப் புத்தகத்தில், முகம்மத் அலி ஜின்னாவின் வாழ்க்கை வரலாறு சுவாரஷ்யமான மொழி நடையில் விறுவிறுப்பாக எழுதப்பட்டிருக்கின்றது.
